O Phoogle é un MOD que permite a xeolocalización dos usuarios nos foros PhpBB empregando a API de GoogleMaps.
Por defecto emprega as cariñas do estilo das utilizadas nos foros coma emoticons. Apetecíame personalizalo, e no meu caso coma é tema xenealóxico, pensei nun carballo coma icona (-moitas árbores forman un bosque- apuntoume miña filla, e xa me convenceu).
Aínda me manexo con dificultade co Gimp e as precisas instrucións que fai o desenrolador son para Fireworks, pero púxenme a elo, e aí vai.
O deseño do que suponse é un carballo fíxeno co Inkscape por aquelo de debuxarse mellor e reducirse despois o tamaño sen perdas.
Salveino coma PNG en 25x27 px: carballo.png
O carballo.png abrino co Gimp, e coa ferramenta de Seleccionar rexións contiguas (Variña máxica) fixen a selección de toda a árbore.
Criei unha nova capa e coa ferramenta de Encher cunha cor (Bote de pintura) pinteina de negro.
Collemos a ferramenta Shear e inclinamos a imaxe á dereita, escollendo o valor -45 no eixo das X.
Seleccionamos Imaxe e Fit Canvas to Layers, para que o tamaño do fondo se corresponda co da imaxe.
Na ventá de Capas desprazamos o cursor do atributo Opacidade á esquerda aproximadamente ata o 50%, para que a sombra da nosa árbore sexa máis real.
Salvamos a nosa capa como sombra_carballo.png. Debémolo facer sen variar a posición da imaxe, nin recortala, nin redimensionala, senón non nos encaixará coma sombra da imaxe principal.
E aquí podemos ver o resultado final no mapa.
